Велика Британија размислува за задолжителна хемиска кастрација за некои сексуални престапници, со цел да се намали ризикот од повторен прекршок и да се ублажи пренатрупаноста на затворите, изјави денес министерката за правда Шабана Махмуд.
Проектот, кој сè уште е во фаза на планирање, се базира на експеримент започнат во 2022 година во неколку затвори во југозападна Англија, каде што третманите за сузбивање на либидото се нудат на доброволна основа.
Предлогот е една од неколкуте опции наведени во независниот извештај за изрекување казни за сторители објавен денес, во кој се проценува дека на земјата ќе ѝ недостасуваат 9.500 затворски места до почетокот на 2028 година.
Министерот им рече на пратениците дека се испитува можноста оваа мерка да стане задолжителна.
Според неа, покрај хемиската кастрација, неопходен е и психолошки третман, особено за сторителите кои се повеќе мотивирани од потребата за моќ или доминација отколку од сексуалната желба.
Хемиската кастрација на сексуални престапници се користи во многу земји, вклучувајќи ги Полска, Русија, Јужна Кореја, Германија и неколку американски држави.
Во Франција, го препишува лекар, а не кривичните судови.