Објавени се последните фотографии на извршниот директор на Сименс, Агустин Ескобар со неговата сопруга Мерс Кампруби Монтал и нивните три мали деца, направени вчера пред страшната пад на хеликоптерот во реката Хадсон во Њујорк.
На едната фотографија се гледа како семејството се насмевнува и позира пред хеликоптерот, не ни знаејќи дека за неколку минути трагично ќе загинат, додека втората фотографија е направена во самото летало – ова ќе биде последната слика од петчленото семејство.
Агустин Ескобар, неговата сопруга и трите деца, како што може да се види на последните фотографии направени, биле пресреќни додека позирале пред да полета хеликоптерот.
Family from Helicopter crash in New York picture taken just before flight. Arrived in New York from Spain earlier same day. Poor little ones, so sad. Lord have mercy on their souls. RIP. pic.twitter.com/rpfe4c9Ffc
— Link Van Stinkle (@linkvanstinkle) April 11, 2025
Според неофицијални информации, Ескобар и неговото семејство пристигнале во Њујорк во четвртокот, а обиколката на градот со хеликоптер била на врвот на листата на приоритети…
Очевидци на несреќата, каква што Њујорк не видел во последните 20 години, велат дека глетката била ужасна.
Кој беше Аугустин Ескобар?
Агустин Ескобар беше претседател и извршен директор на Siemens во Шпанија, како и извршен директор на Siemens Mobility за Југозападна Европа.
Тој беше на таа позиција од декември 2022 година.
Дипломирал индустриско инженерство на Универзитетот Pontificia Comillas во Мадрид и има повеќе од 25 години меѓународно искуство во енергетскиот и транспортниот сектор, водечки тимови во САД, Латинска Америка и Шпанија.
Неговата сопруга, Мерс Кампруби Монтал, беше менаџер за глобална комерцијализација во Сименс Енерџи и исто така го загуби животот во несреќата.
Потекнуваше од угледно семејство – таа беше внука и правнука на поранешните претседатели на фудбалскиот клуб Барселона, што сведочи за нејзината длабока поврзаност со спортските и општествените кругови во Шпанија.
Шестата жртва на оваа страшна несреќа е пилотот, чие име исто така сè уште не е објавено, а засега се уште не е јасно што ја предизвикало падот на авионот.
Тоа беше хеликоптер Бел 206.
Очевидци тврдат дека падот на хеликоптерот бил проследен со силна бучава, слична на пробивање на звучната бариера и дека леталото се преполовило откако удрило во водата.
На социјалните мрежи се појавија видеа кои го покажуваат самиот момент на падот на хеликоптерот, но и неговиот пат пред несреќата, а како изгледал моментот пред падот на хеликоптерот и самиот пад, прочитајте во нашиот посебен текст.
Footage from the helicopter rescue operation in Manhattan, New York, on the Hudson River. pic.twitter.com/MJ7DzO6XB5
— Breaking News (@TheNewsTrending) April 10, 2025