Кина остро ги осуди изјавите на американскиот потпретседател Џеј-Ди Венс, кој во интервју за Фокс њуз ги нарече Кинезите „сељаци“, што предизвика бран огорченост и потсмев на кинеските социјални мрежи, со бројни потсетувања на сопственото, рурално потекло на Венс, кое тој самиот го опиша како „сељачко“.
Појавувајќи се минатиот четврток на Fox & Friends, Венс ги бранеше тарифите на претседателот Доналд Трамп кои го потресуваат пазарот и жестоко ја нападна „глобалистичката економија“.
„Што направи глобалистичката економија за САД? Тоа во основа се сведува на две работи – создавање огромен долг за да се купи она што другите земји го произведуваат за нас“, рече Венс.
„И да биде уште појасно – позајмуваме пари од кинески селани за да ги купиме производите што тие кинески селани ги произведуваат“.
На редовна прес-конференција, портпаролот на кинеското Министерство за надворешни работи Лин Џијан рече:
„Шокантно и тажно е да се слушнат такви неуки и омаловажувачки коментари од устата на американскиот потпретседател“.
Клиповите од интервјуто брзо се проширија низ кинескиот интернет, предизвикувајќи гнев и потсмев во земја каде што фабриките се повеќе користат роботи, градовите се префрлаат на домашни електрични возила, а дури и најоддалечените региони се поврзани со мрежа на брзи возови.
If you want to know why the US keeps losing to China, this is why:
“We borrowed money from Chinese peasants to buy things that Chinese peasants manufacture” — JD Vance.
Racism, imperialism, arrogance and ignorance. pic.twitter.com/r21P80WIeR
— S.L. Kanthan (@Kanthan2030) April 4, 2025
„Ароганција и дрскост без граници“
„Овој вистински „сељак“ од американската провинција очигледно не знае од каде дошол“, напиша поранешниот главен уредник на државниот таблоид Глобал тајмс Ху Ксијин на микроблогот Веибо.
Многумина го покануваат да дојде и да се увери како изгледа модерна Кина.
Хаштагот со изјавите на Венс во понеделникот вечерта стана најпребарувана тема на Веибо.
До вторник попладне собра повеќе од 140 милиони прегледи.
„Еве го неговото вистинско лице – ароганција и дрскост без граници“, гласи еден коментар кој собра речиси 3.000 лајкови.
„Можеби сме „сељаци“, но ја имаме најбрзата железница во светот, најдобрата логистика и лидери сме во вештачката интелигенција, автономното возење и беспилотните летала. Ако се селани – ние сме горди на тоа! напиша друг корисник.
Бројни коментатори, исто така, ја истакнаа иронијата на зборовите на Венс, бидејќи тој самиот пораснал во сиромашно работничко семејство, што го опишал во неговите познати мемоари „Хилбили елегија“ од 2016 година.
Книгата стана хит по победата на Трамп во 2016 година, а многумина ја сфатија како објаснување зошто милијардерот доби силна поддршка меѓу белата работничка класа Америка.