Американскиот претседател Доналд Трамп изјави во неделата дека не се шегува со кандидатурата за трет мандат, но не објасни како ќе ја заобиколи уставната одредба со која некому му забранува да биде претседател повеќе од два пати.
Ројтерс дава преглед на правните пречки со кои се соочува Трамп.
Што вели уставот?
Дел од 22-от амандман на Уставот на САД вели: „Ниту едно лице нема да биде избрано на функцијата претседател повеќе од два пати“.
Амандманот беше ратификуван во 1951 година, откако претседателот Френклин Д. Рузвелт, демократ кој ја водеше земјата низ Големата депресија и Втората светска војна, отслужи три мандати пред да умре неколку месеци откако беше реизбран за четврти мандат во 1945 година.
Иако тоа не беше оспорено на суд, обидот на Трамп да го стори тоа најверојатно ќе биде неуспешен, додаде Унгер.
„Јас би претпоставил дека Врховниот суд ќе каже „не“, јасно е, два мандата од четири години, Доналд Трамп, не можете да се кандидирате за трет“, рече Унгер, кој предава уставно право.
Дали сојузниците на Трамп можат да го изменат Уставот?
Тие можат, но тоа е многу малку веројатно во време на напната политичка поларизација меѓу демократите и Републиканската партија на Трамп.
За секој уставен амандман потребна е поддршка од две третини во Претставничкиот дом и Сенатот, или две третини од државите ќе треба да свикаат собрание, а амандманот потоа ќе треба да биде ратификуван од законодавните тела на 38 од 50 држави.
Републиканците имаат тесно мнозинство од 218 до 213 членови во Претставничкиот дом и 53 спрема 47 во Сенатот.
Републиканската партија ги контролира законодавните тела во 28 сојузни држави.
Енди Оглс, републикански член на Претставничкиот дом од Тенеси и цврст поддржувач на Трамп, во јануари предложи да се измени 22-риот амандман за да им се овозможи на луѓето да се избираат во три непоследователни претседателски мандати.
Бидејќи мандатите на Трамп започнаа во 2017 и 2025 година, односно не беа последователни, усвојувањето на тој амандман ќе му овозможи повторно да се кандидира во 2029 година.
Дали Трамп може да се кандидира за потпретседател?
Во интервју за NBC, Трамп рече дека една од можностите би била неговиот потпретседател Џеј-Ди Венс да се кандидира за претседател во 2028 година, а Трамп да биде негов потпретседател.
Венс тогаш, доколку победи, би поднел оставка и би подготвил терен за враќање на Трамп во Белата куќа.
Сепак, Трамп не може да се кандидира за потпретседател бидејќи не може да биде претседател.
Дванаесеттиот амандман на американскиот устав вели: „Ниту едно лице кое според уставот може да биде претседател не може да биде (ниту) потпретседател на САД“.