Американскиот претседател Доналд Трамп вчера објави дека неговиот разговор со украинскиот претседател Володимир Зеленски не поминал добро.
Трамп го изјави ова, говорејќи пред новинарите по конфронтацијата со Зеленски во Овалната соба во Белата куќа.
„Барам мир. Не сакаме да навлегуваме во нешто што личи на 10-годишна војна и да играме игри. Сакаме мир. Мојот впечаток е дека ако го направиме тоа, ако потпишеме, тој бара нешто што јас не го сакам. Тој сака да оди да се бори и да се бори. Некој вели, зошто се грижите за украинските и руските војници, јас се грижам за сите, тој ќе мора да се согласи со мир, но тој ќе има посилни карти, но тој не сака мир.“
Зеленски синоќа ја напушти Белата куќа по жестока расправија на средбата со Трамп и американскиот потпретседател Џеј Ди Венс.
Белата куќа потврди дека Трамп и Зеленски не потпишале договор за минерали за време на нивните разговори, како што беше потврдено.
Иако Трамп целосно не ја отфрли можноста за договор, договор нема да биде постигнат додека Украина не биде подготвена за „конструктивен разговор“, изјави висок американски функционер за Ројтерс.
„Гардијан“ пишува дека, во знак на тоа колку лошо поминале разговорите, Трамп објави изјава на социјалните мрежи, во која наведува дека заклучил дека Зеленски „не е подготвен за мир доколку Америка е вклучена, бидејќи верува дека нашето присуство му дава огромна предност во преговорите“.
Трамп постојано му кажа на Зеленски дека „се коцка со животите на милиони, со Третата светска војна“ и инсистираше да престане да инсистира на дополнителни безбедносни гаранции, велејќи: „Или ќе склучиш договор или ќе се повлечеме“.