Рускиот претседател Владимир Путин останува отворен за решавање на украинското прашање преку мировни преговори, изјави денеска Дмитриј Песков, портпарол на рускиот претседател Владимир Путин.
„Претседателот Владимир Путин останува отворен за решение за Украина преку мирни преговори. Ние имаме наши цели кои се однесуваат на нашата национална безбедност, нашите национални интереси. И ние сме подготвени да ги постигнеме овие цели преку мирни преговори“, изјави Песков за новинарите, пренесе РИА Новости.
Според него, руската специјална операција во Украина продолжува бидејќи мора да се постигнат сите цели.
Песков изјави и дека унапредувањето на воената инфраструктура на НАТО кон Русија предизвикува загриженост во Москва и дека оваа позиција на Русија им е добро позната на сите, пренесува Танјуг.