Израелските одбранбени сили (ИДФ) повторно ги предупредија либанските цивили да не се враќаат во селата во јужен Либан, каде што се уште се распоредени војници, бидејќи договорот за прекин на огнот е продолжен за неколку недели.
„Либанските граѓани, како што знаете, ИДФ неодамна се прераспореди на различни локации во јужен Либан, во согласност со договорот за прекин на огнот, за постепено да овозможи ефикасно распоредување на либанската армија и разбивање и отстранување на терористичката организација Хезболах, заедно со нејзините оперативци и инфраструктура, од јужен Либан“, изјави на социјалната мрежа Х, полковник Авичај Адрае, портпарол на ИДФ на арапски.
„Ве потсетувам дека периодот на договорот е продолжен и дека силите на ИДФ се уште се распоредени на теренот. Процесот на распоредување се одвива постепено, а во некои сектори се одложува и бара повеќе време за да се осигура дека Хезболах не може повторно да ги воспостави своите сила во овие области“, додаде тој.
„Хезболах, како и секогаш, ги става своите тесни интереси над интересите на либанската држава и се обидува да ги подигне тензиите преку своите портпароли, иако тоа е главната причина за уништувањето на југот“, рече Адраи.
Портпаролот на ИДФ, исто така, нагласи дека до дополнително известување, сите претходно издадени упатства остануваат на сила и дека војската ќе извести кога е безбедно да се врати во пограничните села.