Додека пожарот во Палисаде беснееше во Лос Анџелес на 7 јануари, градоначалничката Карен Бас се фотографираше на коктел во амбасадата на Гана, покажуваат објавите на социјалните мрежи.
До моментот кога таа го напушти собирот и се упати кон дома, масивни облаци од чад беа видливи низ градот.
Бас беше во западноафриканската земја како дел од делегацијата на администрацијата на Бајден на инаугурацијата на претседателот на Гана Џон Драмани Махама, на која таа присуствуваше претходно истиот ден, се дознава.
Таа отпатува во странство на 4 јануари, кога Националната метеоролошка служба ги зголеми предупредувањата за претстојните силни ветрови и се врати во Лос Анџелес околу 11 часот на 8 јануари, повеќе од 24 часа по избувнувањето на пожарите, пишува New York Times.
Портпаролот на градоначалникот рече дека американскиот амбасадор во Гана приредил прием на делегацијата пред да заминат за дома со воен авион.
Тој изјави дека Бас го поминувала поголемиот дел од времето на забавата правејќи повици во посебна просторија.
Одлуката предизвика критики
Одлуката на градоначалничката да го напушти градот поради временските предупредувања и времето на нејзиното враќање привлекоа критики и внимание на националните медиуми во последните денови.
Наводно, Бас се фотографирала на забавата нешто пред 20 часот по локално време во Гана, или пред пладне време во Лос Анџелес, според фотографијата објавена на социјалните мрежи на која се гледа часовникот на еден од присутните.
Имено, Акра, Гана е осум часа пред Лос Анџелес.
Неколку минути подоцна беа издадени наредби за евакуација во Палисадес.