Времето денеска низ Македонија ќе биде променливо облачно, претпладне со појава на магла и ниска облачност по одделни котлини.
Како што информираат од Управата за хидрометеоролошки работи кон крајот на денот и во текот на ноќта ќе има повремен локалeн дожд, а на повисоките планини слаб снег.
Ќе дува слаб до умерен, а во југозападните делови повремено засилен ветер од јужен правец.
Максималната температура ќе достигне од 9 до 15 степени.
Во Куманово и околината денеска ќе имаме променливо облачно со сончеви периоди.
Ќе дува слаб до умерено засилен ветер од југоисточен правец.
Утринската температура ќе се движи околу еден степен под нулата, додека максималната дневна ќе достигне 12 степени целзиусови.
Во текот на ноќта се очекува зголемување на облачноста и услови за врнежи од снег.
Утре низ кумановско ќе имаме облачно време со врнежи од снег.
Ќе дува слаб до умерен северен ветер.
Температурата во утринските часови ќе се движи околу два степени под нулата, додека максималната дневна ќе достигне три степени целзиусови.
Во недела ќе имаме облачно време со врнежи од снег кои ќе бидат со посилен интензитет.
Ќе дува слаб до засилен ветер од северен правец.
Утринската температура ќе се движи околу -4 степени, а дневниот максимум ќе достигне еден степен под нулата.
Врнежите од снег се очекува да продолжат и во понеделник.
Никола Ивановски