Романија, исто така, ќе започне процес на суспендирање на платформата ТикТок во очекување на резултатите од истрагата за улогата што социјалната мрежа ја одигра во првиот круг од претседателските избори одржани минатата недела.
„Повикувам на суспензија на платформата TikTok од 28 ноември додека државните институции не ја завршат истрагата поврзана со манипулацијата со изборниот процес“, рече Павел Попеску, заменик-шеф на романската агенција за телекомуникации, според Ројтерс.
Првиот круг од претседателските избори во Романија се одржа во неделата, но ниту еден кандидат не освои мнозинство гласови.
Кандидатот на десницата Калин Георгеску и опозициската водач Елена Ласкони влегоа во вториот круг. Георгеску освои 22,95 отсто од гласовите, а Ласкони 19,2 отсто.
Вториот круг од претседателските избори ќе се одржи на 8 декември.