Државниот секретар во МВР положи свежо цвеќе за Денот на ослободување на Куманово

Државнот секретар во Министерството за внатрешни работи Сашо Петрушевски денеска положи свежо цвеќе за Денот на ослободување на Куманово.

– Пред 80 години, нашите предци во борбата за слобода на Куманово го жртвуваа својот живот, оставајќи траен белег во историјата на градот. Нивната жртва останува вечен потсетник за тоа што значи да се живее за слободата. Нека е честит 11 Ноември – 80 години од ослободувањето и 505 години од постоење, изјави Петрушевски.

Инаку градот Куманово денеска одбележува 80 години од ослободувањето и 505 години од своето формирање.

Никола Ивановски