Онлајн ангеција за спојување парови неодамна спровела истражување со 1.600 корисници кои раскажале кога размислуваат за афера, кога разговараат со љубовниците и во кое време најчесто договараат тајни состаноци.
Студијата покажала дека за љубовницата се размислува од рано утро, а најчесто им се упатуваат повици на работа, во текот на слободното време.
Повеќе од две третини од лицата кои изневеруваат во брак се подолго од 10 години, а 44 отсто од испитаниците признале дека одржуваат афера година дена или помалку.
Повеќе од половина од испитаниците рекле дека ги прекинуваат работните обврските за да и се јават на сопругата, а за љубовницата тоа го прават 73 отсто од испитаниците.
– Голем број наши корисници имаат афера за да останат во брак. Инаку водат среќен и пријатен живот со сопругот или сопругата, уживаат во своето семејство, но им недостасува нешто за целосна слика. За некои тоа е сексот, а за некои само чувството да ги сака, вели една од директорките на агенцијата, Изабела Вајз.
Љубовниците најчесто се состануваат кога ќе падне мракот, а 21 отсто од испитаниците велат дека тоа никогаш не е пред 21 часот.