Малолетник од липковско Отља ноќеска со „ауди“ се судрил со мотоицкл во Куманово, при што мотоциклистот се здобил со тешки повреди.
– Денеска (16.08.2024) околу 00.30 часот во СВР Куманово било пријавено дека на бул.„Трета македонска ударна бригада“ се случила сообраќајна несреќа помеѓу патничко возило „ауди“ со кумановски регистарски ознаки, управувано од 17- годишник од с.Отља, општина Липково, со место на живеење во Швајцарија и мотоцикл „кавасаки“ со скопски регистарски ознаки, управуван од Х.С.(30) од с.Грушино, општина Арачиново, информираат од Министерството за внатрешни работи.
Како што додаваат од МВР, по судирот, мотоциклот удрил во паркирано патничко возило „фиат“ со кумановски регистарски ознаки, паркирано од А.Ш.(39) од с.Оризари, липковско.
Во несреќата со тешки телесни повреди се здобил мотоциклистот, констатирани во болницата во Куманово.
По наредба на Јавен обвинител, извршен бил увид од увидна екипа на СВР Куманово.
Никола Ивановски