Поранешниот американски претседател и републикански претседателски кандидат Доналд Трамп изјави дека е подобро САД да одржуваат добри односи со светските лидери како што е рускиот претседател Владимир Путин.
Тој рече дека очекува повторно да се договори со Путин доколку тој биде реизбран на функцијата претседател.
– Добрите односи со претседателите на Русија, Кина и Северна Кореја, Владимир Путин, Си Џинпинг и Ким Џонг Ун се добра работа – не е лоша работа – изјави Трамп во разговор со сопственикот на мрежата „Х“ Илон Маск.
Според него, тие лидери се најдобри во работата.
– Тие се одлучни, паметни, бескомпромисни и ќе ги заштитат своите земји. Дали ги сакаат своите земји? Веројатно да, тоа е само поинаков облик на љубов. Но, тие ќе ги заштитат своите земји – нагласи Трамп.
Поранешниот американски претседател тврди и дека за време на еден од минатите разговори наводно го предупредил рускиот лидер да не презема офанзива против Украина.
– Разговаравме за Украина. Украина му беше јаболко во окото. Му реков на Владимир Путин: „Немој да го правиш тоа. Не треба да го правиш тоа’. Тој одговори: „Нема шанси“. На тоа одговорив: „Да, побогу.“ Тоа беше последниот разговор што го имавме. Никогаш, ама баш никогаш не би го направил тоа… И добро се сложувавме. Ме почитуваше. Ја сакав Русија. Бев пријател на Путин и ја сакав Русија. Се надевам дека повторно ќе имаме добри односи – рече Трамп.
Ситуацијата во Украина ескалира поради Бајден
Актуелниот претседател Џозеф Бајден направи голема грешка со тоа што одби да преговара со претседателот на Русија за Украина – ситуацијата во Украина немаше да ескалира ако не беше тој, според Трамп.
– Бајден и направи нешто на Русија. Немаше шанси Путин да одлучи да испрати сили во Украина. Откако ја напуштив функцијата, Русија почна да собира сили таму, на границата со Украина. На тоа обрнав внимание и мислев дека Путин се одлучил на тој потег бидејќи е добар преговарач и сака да води преговори – изјави поранешниот американски претседател.
Како што рече, Русија сега претставува голема борбена сила.
– На Украина во моментов и недостигаат луѓе. Користи млади и многу стари луѓе за спроведување на борбени операции. Не сакам никого да обвинувам, но можам да кажам дека можев да го спречам тоа. Паметен претседател можеше да го спречи – заклучи Трамп.