Сопственикот на Tesla и платформата X, Илон Маск, објави видео на кое се гледа како полицијата уапси маж поради навредливи коментари на Фејсбук, а сето тоа поради немирите во Велика Британија кои започнаа по трагедијата во Саутпорт, каде загинаа три деца во напад со нож.
„Уапсен поради коментари на Фејсбук! Дали е ова Британија или Советскиот Сојуз? Дали е ова вистина?”, напиша Маск на X.
На видеото се гледа како полицаецот му кажува на човекот дека е уапсен под сомнение дека неправилно ги користел сите форми на дигитална комуникација.
Маск, исто така, го праша Стармер на Икс зошто не се заштитени сите општини во Британија.
Тоа беше коментар на видеото на кое се гледа толпа маскирани луѓе околу кафулето, а некои од нив веат палестинско знаме.
Џамиите и хотелите во кои се сместени баратели на азил беа меѓу целите на немирите низ Британија минатата недела.
Немирите започнаа во Саутпорт минатиот вторник по смртоносниот напад со нож во кој беа убиени три девојчиња.
Немирите потоа се проширија и во другите градови низ земјата. Аксел Рудакубана, млад човек роден во Кардиф, по потекло од Руанда, е одговорен за убиството на девојчињата, пренесува Танјуг.
Arrested for making comments on Facebook!
Is this Britain or the Soviet Union?
Is this accurate @CommunityNotes? https://t.co/ov7lKEUl2C
— Elon Musk (@elonmusk) August 6, 2024