Дали сакате да се забавувате, но со годините ви станува сè потешко да се опоравите од консумирањето алкохол на забавите следниот ден?
Ништо чудно, многу генерации пред вас го сретнале ова, а некои сведочат дека дошле до тој степен што им требале неколку дена да се опорават од мамурлакот, кој порано траел само неколку часа.
Причината е едноставна: биологијата на стареењето.
Имено, како што старееме, се намалуваат нивоата на ензимите на црниот дроб алкохол-дехидрогеназа и алдехид дехидрогеназа, кои се потребни за разградување на алкохолот и неговите остатоци.
Како резултат на тоа, ацеталдехидот, еден од остатоците од алкохолот кој прави да се чувствувате ужасно, останува подолго во вашето тело, открива Science of Us.
Како што стареете, ќе ви биде се потешко да се опоравите од се, велат научниците, бидејќи нашиот имунолошки систем постепено слабее.
Вашето тело сè уште знае како да се лекува и заштити, но не толку брзо како кога сте биле млади.
Покрај тоа, многу посериозни обврски доаѓаат со годините, па повеќе не можете да спиете наутро или да лежите цел ден и да се опоравувате како кога учевте.
Ова е причината зошто мамурлакот е многу потешко да се издржи во сериозна возраст отколку во младост.
Исто така, како што старееме, акумулираме се повеќе и повеќе телесни масти.
Мастите не апсорбираат алкохол и оние кои имаат повеќе од нив потешко ги поднесуваат последиците од пиењето.
По правило, жените имаат повеќе сало од мажите и тоа е една од причините зошто не можат да пијат колку што пијат, зошто побрзо се опиваат и потешко се опоравуваат од ноќното пиење.
Доколку патите од хронично заболување, можно е и лековите кои ги земате како редовна терапија да влијаат на разградувањето на алкохолот и да го попречат, па постои можност тој да остане подолго време во организмот.