Рускиот претседател му ја честиташе 80-годишнината од дипломатските односи меѓу двете земји на својот сириски колега Башар Асад и го увери во поддршката на Русија за суверенитетот, единството и територијалниот интегритет на Сирија.
Путин, како што е наведено, повтори дека „Русија ќе продолжи да ја поддржува сириската влада во нејзините напори да го брани државниот суверенитет, единството и територијалниот интегритет на земјата, да обезбеди национална безбедност и политичка стабилност“.
„Убедени сме дека натамошниот развој на целиот опсег на руско-сириски односи во интерес на нашиот народ ќе помогне да се консолидираат мирот и стабилноста во регионот и во целиот свет“, рече Путин во телеграмата објавена на веб-страницата на Кремљ.
Путин истакна дека Москва и Дамаск во изминатите децении стекнале огромно искуство во билатералната соработка во различни сфери и дека постигнале значителен успех во борбата против меѓународниот тероризам во Сирија.
Дипломатските односи меѓу поранешниот Советски Сојуз и Сирија беа воспоставени на 21 јули 1944 година. Двете земји потпишаа Договор за пријателство и соработка во 1980 година, а во 1991 година Сирија ја призна Русија како наследник на Советскиот Сојуз.