Во јуни годишната стапка на инфлација во Унгарија се намали од четири отсто во мај на 3,7 отсто, објави денеска Централниот завод за статистика на Унгарија (КСХ).
Според извештаите, цените на струјата, гасот и другите горива во Унгарија во јуни паднале за 2,7 отсто на годишно ниво, забавувајќи се од мајскиот годишен пад од 2,4 отсто.
Во исто време, цените на облеката и обувките во Унгарија во јуни пораснаа за 4,1 отсто на годишно ниво, со побавно темпо од мајските 4,7 отсто.
Наспроти тоа, цените на храната пораснале за 1,1 отсто на годишно ниво, алкохолните пијалоци и тутунот поскапеле за 4,2 отсто, услугите за 9,7 отсто, а во сите наведени случаи растот на цените бил побрз од мај, пренесува Танјуг.
Годишната основна стапка на инфлација во Унгарија во јуни незначително се зголеми од четири отсто во мај на 4,1 отсто, според KSH.
На месечна основа, цените во Унгарија стагнираа во однос на мај.