Европските и американските берзански индекси денеска се претежно во пад, како и цената на златото и пченицата, додека еврото падна на месечното ниско ниво во однос на доларот.
Политичката неизвесност по изборите за Европскиот парламент, исто така, ја турна заедничката европска валута на најниско ниво во последните две години во однос на британската фунта, пишува Гардијан.
Францускиот претседател Емануел Макрон, по лошите резултати на неговата партија на гласањето за ЕП, одлучи да распише парламентарни избори во Франција, а берзанскиот индекс во Париз реагираше со пад од 140 поени.
Индексот на Франкфуртската берза DAX денеска во 9:15 часот падна на 18.440,05 поени, британскиот FTSE 100 на 8.192,60 поени, францускиот CAC 40 на 7.861,50 поени, додека московскиот MOEX се искачи на 3.246,71 поени.
Вредноста на американскиот берзански индекс Дау Џонс падна на 38.798,99 поени, индексот S&P 500 на 5.346,99 поени, а вредноста на индексот Nasdaq на 17.129,90 поени.
Според податоците на берзата, цената на суровата нафта се искачи на 75.658 долари, а на нафтата од типот „брент“ на 79.793 долари.
На отворањето на берзата ТТФ европските фјучерси на гас се продаваа по цена од 33.110 евра за мегават-час.
Цената на златото падна на 2.291,51 долари за унца, а на пченицата на 6,2428 долари за бушел (бушел е еднаков на 27,216 кг).
Вредноста на еврото во однос на доларот изнесуваше 1,07514, што е за 0,44 отсто помалку од петокот.