Кина ја цени и ја поздравува одлуката на владата на Република Науру да го признае принципот на една Кина и да ги прекине таканаречените дипломатски врски со Тајван и да ги обнови дипломатските односи со Кина, изјави портпаролката на кинеското Министерство за надворешни работи во понеделник.
Изјавата на портпаролката дојде откако владата на Република Науру претходно официјално ја објави одлуката дека има само една Кина во светот, дека Тајван е неотуѓив дел од кинеската територија, а владата на Народна Република Кина е единствената легална влада која ја претставува цела Кина.
Тоа е потврдено во Резолуцијата 2758 на Генералното собрание на ОН и тоа е преовладувачкиот консензус на меѓународната заедница, рече портпаролката.
Кина воспостави дипломатски односи со 182 земји врз основа на принципот една Кина.
– Одлуката на владата на Науруа да ги обнови дипломатските односи со Кина уште еднаш покажува дека принципот на една Кина е насоката во која се движи глобалното мислење и каде се наведнува лакот на историјата, рече портпаролката.
Кина е подготвена да работи со Науру за отворање нови поглавја на билатералните односи врз основа на принципот една Кина, рече портпаролката.