Ракометарките на Куманово се вратија на победите во домашниот шампионат, по двата претрпени порази во ЕХФ Купот во Швајцарија.
Вчеравечер на домашен терен избраничките на тренерот Славиша Димитријески, остварија убедлива победа врз составот на ЖРК Спартак од Скопје со резултат 37:25.
Кумановки убедливо го стартуваа мечот и направија солидно водство во првиот дел од средбата која заврши со 19:12.
Со 12 реализирани погодоци брилираше Сара Цветановска, а дури 16 одбрани имаше голманката Симона Грујовска.
ЖРК Куманово засега е лидер во табелата со две победи од исто толку натпревари, колку што имаат и Ѓорче Петров, Металург и Овче Поле.
Следниот меч кумановки го играат повторно на домашен терен против составот на ЖРК Шампион во недела од 13 часот.
Никола Ивановски