Киев го покани амбасадорот во Белорусија, Игор Кизим, „на консултации“.
Тој беше поканет поради вчерашната средба меѓу белорускиот претседател Александар Лукашенко и вршителот на должноста шеф на Доњецката Народна Република Денис Пушилин, се наведува на веб-страницата на Министерството за надворешни работи на Украина.
Украинското Министерство за надворешни работи ја „осуди“ средбата, нарекувајќи ја „уште еден и очигледен чин на непријателство“ на Минск.
„Според тоа, Министерството за надворешни работи на Украина донесе одлука да го покани на консултации амбасадорот на Украина во Република Белорусија, Игор Кизим“, се вели во соопштението на Министерството.
Претседателот на Белорусија на вчерашната средба понуди помош за враќање на нормализацијата на животот во Доњецката Народна Република.