Порно ѕвездата Сторми Даниелс откри дека добивала „полутени“ смртни закани од приврзаниците на МАГА (Слоганот на Трамп – Да ја направиме Америка повторно голема), кои ги спореди со бомбашите самоубијци, бидејќи на нивниот лидер Доналд Трамп му се суди за пари кои ѝ биле платени да молчи за нивната наводна поврзаност, во пресрет на изборите во 2016 година.
Во интервјуто емитувано во четвртокот, актерката од филмови за возрасни му рече на колумнистот Пирс Морган во неговата емисија на Фокс – „Нецензурирана со Пирс Морган“ – дека заканите станале уште пострашни, бидејќи Трамп може да се соочи со затворска казна доколку судот на Менхетен го прогласи за виновен, објави „Њујорк пост“.
„Тие (приврзаниците) во основа чувствуваат дека прават нешто добро. Дека се патриоти. И сега тоа го прават во стил на бомбаш самоубиец. Тие искрено, во длабочините на душата веруваат дека прават нешто добро“, рече Сторми, пренесува Танјуг.
Таа додала дека и претходно добивала закани за работа во порно индустријата, но заканите драстично се зголемиле по веста дека добила 130.000 долари од соработниците на Трамп за да молчи, што се појави во јавноста во 2018 година.
Порно ѕвездата тврди дека имала афера со Трамп во 2006 година, што поранешниот претседател категорично го демантираше.
„На почетокот ми рекоа дека сум лажго и некои други навреди“, рече таа за заканите во 2018 година.
Таа рече дека порано една од 100 закани била смртна закана, но сега е една од 10.
Сега се некако поконкретни, понасилни и наместо некој да џагор „ќе изгориш во пеколот“, сега изгледаат многу… посериозни“, се пожали Сторми и рече дека напаѓачите повеќе не се кријат.
На прашањето дали заканите имале влијание врз нејзиниот секојдневен живот, таа рече дека ја изгубила независноста и дека заканите добиле замав и дека се плаши сама да оди во тоалет.
„Јас сум многу независна и силна. Пишувам, режирам и се покажав, си го направив своето, но не сум навикната да одам во тоалет без да ме гледаат двајца телохранители“, истакна таа.
Трамп се изјасни за невин на судот во Менхетен.