Лидерите на Г7 и НАТО ги осудија „бруталните дејствија на Русија во Украина“ и стојат обединети со Киев се додека е потребно, изјави денеска претседателката на Европската комисија, Урсула фон дер Лајен.
Таа во видео порака на Твитер рече дека лидерите се подготвени да ѝ помогнат на Полска да ја истражи синоќешната експлозија во близина на украинската граница, која уследи по руските ракетни напади врз енергетската инфраструктура на Украина, пренесе Ројтерс.
Полските власти објавија дека две лица загинале во експлозија во областа Хрубешов во источна Полска, но без да потврдат дека се работи за руски проектил.
Полското Министерство за надворешни работи соопшти дека ракетата паднала врз Пржеводов, село на околу шест километри од границата со Украина.
While G20 leaders were meeting and calling for the war to end, Russia conducted massive strikes against Ukraine.
With G7 and NATO partners, we condemn these brutal acts.
We also offer full support to Poland and assistance with the investigation on the explosion at the border. pic.twitter.com/gohB25y1et
— Ursula von der Leyen (@vonderleyen) November 16, 2022
Сите информации поврзани со најновите случувања со војната во Украина можете да ги прочитате ТУКА.