Претседателот на Русија Владимир Путин денеска предложи да се воведе воена состојба во припоените региони, односно во Доњецка Народна Република, Луганска Народна Република, Херсон и Запорожје.
– Да ве потсетам дека во Доњецка Народна Република, Луганска Народна Република, како и во регионите Херсон и Запорожје, пред да се приклучат на Русија, имаше вонредна состојба. И сега треба да го формализираме овој режим во рамките на руското законодавство. Затоа, го потпишав указот за воведување воени одредби во овие четири субјекти на Руската Федерација. Веднаш ќе биде испратен на одобрување до Советот на Федерацијата – рече Путин.
Претходно, вршителот на должноста гувернер на регионот Херсон, Володимир Салдо, објави дека Киев собира сили за офанзива од големи размери.
Заради безбедност на жителите, беше одлучено да се пресели на левиот брег на реките Днепар.
Салдо рече дека 50-60.000 цивили ќе ги напуштат четирите градови на западниот брег на реката Днепар во „организирано, постепено преместување“.
Тој додаде дека сите функционери назначени од Москва, заедно со цивили, ќе ја преминат реката во следните шест дена.
Говорејќи за Soloviev Live, Салдо рече дека властите ги преместуваат цивилите на левиот брег на реката за да ги „чуваат луѓето безбедни“ и да и дозволат на армијата „да дејствува решително“.
Сите информации поврзани со најновите случувања со војната во Украина можете да ги прочитате ТУКА.