Американските потрошувачи остро го намалија купувањето облека поради инфлацијата, што ги поттикна трговците на мало да ги намалат цените за да се ослободат од залихите.
На почетокот на август, извршните директори на американските малопродажни гиганти Walmart и Target беа принудени да воведат длабоки попусти и да ја намалат понудата.
Victoria’s Secret, Urban Outfitters и Kohl’s оваа недела објавија дека клиентите купуваат само одредени видови облека.
Иако не дадоа примери, забележаа дека клиентите сепак ќе посегнат по паричниците доколку цената е поволна.
Викторија Сикрет: Ќе бидеме многу внимателни при набавката на облека
Urban Outfitters и Victoria’s Secret објавија опаѓање на продажбата на брендови насочени кон помладата публика.
PINK линијата на Victoria’s Secret, наменета за тинејџери и млади жени, забележа послаба продажба во вториот квартал од брендовите за долна облека и облека за спиење.
„Ќе бидеме многу внимателни околу набавката на облека за втората половина од годината“, рече главниот извршен директор на Викторија Сикрет, Мартин Вотерс.
Младите клиенти на Urban Outfitters со помал буџет се откажуваат од купување облека со полна цена и чекаат промотивни понуди, рече извршниот директор на компанијата Ричард Хејн.
Облеката што пристигнала доцна тешко се продава
Kohl’s рече дека продажбата на детска облека паднала во вториот квартал бидејќи дизајните биле премногу тренди и недоволно основни, додека продажбата на женска облека ги надминувала другите категории.
Извршниот директор на Кол, Мишел Гас, ги истакна прекините во снабдувањето што предизвикаа хаос во распоредот за дистрибуција на облека.
И Walmart и Target известуваат дека им е тешко да продаваат облека што пристигнала неколку сезони доцна, па решиле агресивно да ги намалат цените.
Светлата точка на продажбата беше модерната женска облека, додаваат во Таргет.
Аналитичарот на Џејн Хали и Асошиејтс, Џесика Рамирез, рече дека забележала големи попусти кај брендовите Gap и Old Navy, додека поскапиот канцелариски шик бренд Banana Republic успеа да продаде повеќе артикли по редовни цени.
И Мејси и Кол укажуваат на солидна побарувачка за фустан и работна облека, според Ројтерс.
Сите информации за економско-енергетската криза во светот можете да ги прочитате ТУКА.