Уставниот суд на Тајланд денеска го суспендираше премиерот Прајут Чан Оча од службена должност.
Одлуката е донесена откако тој решил да го прифати барањето за ревидирање на законската граница на неговиот мандат на осум години, пренесува Ројтерс.
Судот преку писмено соопштение до медиумите ја објави суспензијата на премиерот, која стапува на сила денеска.
Не се знае кога судот ќе донесе конечна одлука за барањето на најголемата опозициска партија која побара ограничување на мандатот.
Пензионираниот генерал Прајут ја презеде власта во 2014 година, кога ја предводеше воената хунта во државен удар што ја собори избраната влада.
Вицепремиерот Правит Вонгсуван се очекува да ја преземе функцијата привремен лидер на земјата во Југоисточна Азија, според Ројтерс.