Повеќе од половина од персоналот на баталјонот на 66-та механизирана бригада на украинската армија побегна од своите борбени позиции кај Маринка во самопрогласената Доњецка Народна Република, изјави денеска портпаролот на руското Министерство за одбрана, генерал-полковник Игор Конашенков.
„Во регионот Маринка на Доњецката Народна Република, повеќе од половина од персоналот на третиот баталјон на 66-та механизирана бригада на украинската армија ги напуштија борбените позиции и областа на борбените операции поради големи загуби и недостаток на муниција“, рече Конашенков, пренесе ТАС С.
Според него, над една третина од Украинците мобилизирани во 10-та планинска нападна бригада на украинската армија дезертирале, бегајќи во непознат правец.
„Бригадата има помалку од 50 отсто од својот персонал поради големите загуби“, тврди Конашенков.
Сите информации поврзани со најновите случувања со војната во Украина можете да ги прочитате ТУКА.