Започната е реконструкцијата на внатрешниот дел од Спортската сала во Куманово, откако претходно беше променет кровот.
Како што објави градоначалникот Максим Димитриевски, во тек е реконструкција на трибините во салата.
Општината како што е веќе познато, ќе одвои над 12 милиони денари за внатрешното уредување.
Освен трибините, се очекува спортската сала да добие целосно нов лик, а да се смени и подот, но и да се набават нови спортска опрема и реквизити.
Вредноста на оваа реконструкција граѓаните ги чини 12 милиони денари и е единствена голема инвестиција во овој објект откако истиот е изграден некаде во шеесетите години на минатиот век.
Реконструкцијата се одвива во повеќе фази согласно средствата што се обезбедуваат.
Во овој момент се прават напори да се обезбеди финансирање и на системот за затоплување на гас, но и за ладење.
Никола Ивановски