Здружението на планинари и заштита на планината „Козјак 2013“ викендов го одбележа својот 10-годишеј јубилеј со планинарска тура и забава.
Околу 250 планинари првин ја искачија матичната планина на здружението Козјак, од селото Враготурце до врвот Китка.
Дел од планинарската тура беа планинари од Скопје, Тетово, Велес, Прилеп, Пробиштип, Крива Паланка, Куманово, Суботица,Јагодина, Ниш, Врање и Трговиште.
На прославата беше поделено и традиционалното планинарско гравче, како и роденденска торта, а имаше донации од Алфи, Кватро, Етно село, Корнер – Баба Цана, Метал-нет, Елида, Визијана, Икс миледи, на кои јавно им се заблагодаруваат.
Клубот додели и посебни признанија на основачите на ова планинарско друштво и на сите досегашни негови претседатели, а сето тоа беше збогатено со веселба и убаво време кое овозможи сите учесници успешно да учествуваат во планинарската акција и да уживаат во забавата и убавивата на ова излетничко место.
фото: ЗПЗП Козјак 2013