Синоќа страшно крвопролевање се случило во германскиот град Гелзенкирхен, како што пренесува Билд.
Џени С.(36) отишла да го фрли ѓубрето, а кога по некое време не се вратила, нејзиното момче почнало да ја бара.
Ја пронашол својата девојка раскрварена и избодена, па веднаш ја известил полицијата.
На местото на злосторството во областа Ерле во Гелзенкирхен, во Северна Рајна-Вестфалија, се упатиле бројни служби за итни случаи.
Но, за 36-годишната жена немало помош, бидејќи кога дошле лекарите, таа веќе била мртва.
Според првичните информации од полицијата, со повеќе убодни рани била убиена Џени С.
Полициската истрага е во тек, а се очекува обдукцијата да ја разјасни причината за нејзината смрт, пишува Билд.
Никој од соседите не ги слушнал врисоците
Иако речиси сите жители на зградата спиеле со отворени прозорци поради топлата ноќ, никој не ги слушнал вресоците на жената.
Според очевидци, ниту нејзиниот партнер не повикал помош.
Билд од закупецот дознал дека жената лежела раскрварена на преминот кон корпите за отпадоци.
„Имаше расекотини и јасни знаци на отпор. Како очајно да се бореше за живот“, вели соседот.
Полицијата го испрашува партнерот на 36-годишната жена
Форензичарите во моментов се на местото на злосторството. Се претресуваат и канти за ѓубре бидејќи нема трага од оружјето употребено во убиството. Во пронаоѓањето на оружје помагаат и полициски кучиња.
Полицијата го испрашува партнерот на Џени С. и му го одзема автомобилот. Во багажникот на неговиот автомобил имало ковчези. Соседите рекле дека мажот се вселил кај 36-годишниот пред неколку недели.
„Ги видовме заедно синоќа на балконот. Вечераа и се изгледаше нормално“, велат соседите.