Зеленски се обрати на доделувањето на Греми наградите ги повика гледачите да ја поддржат Украина

Сподели со своите пријатели

Украинскиот претседател Володимир Зеленски во неделата во видео обраќањето емитувано на доделувањето на наградите Греми во Лас Вегас ги повика гледачите да ги поддржат Украинците „на кој било начин“.

Loading...

„Што е спротивно на музиката? Тишината на уништените градови и убиените луѓе“, рече Зеленски на снимката емитувана пред настапот на американскиот пејач Џон Леџенд и украинскиот поет Љуба Јакимчук.

„Пополнете ја тишината со вашата музика. Пополнете ја денес, за да ја раскажеме нашата приказна. Поддржете нѐ на кој било начин. Секаква, но не и тишина“, рече Зеленски, облечен во темнозелена маица, на англиски, со рапав глас.

ПРОЧИТАЈТЕ И:  Во Јапонија лани регистрирани рекордни 123.000 случаи на злоупотреба на деца

Војната избувна во Украина пред повеќе од еден месец откако руските воени сили ги нападнаа областите на север, исток и југ од земјата, раселени милиони цивили и претворајќи цели градови во урнатини.

Русија ги нарекува своите акции во Украина „специјална операција“.