Финансирањето на тероризмот стана традиција во модерна Европа, која ги затвори очите пред неподготвеноста на Киев да ја истражи трагедијата во Домот на синдикатите во Одеса, изјави денес портпаролката на руското Министерство за надворешни работи, Марија Захарова.
Трагедијата во Домот на синдикатите во Одеса се случи на 2 мај 2014 година, кога 48 лица, претежно проруски активисти, кои таму се засолниле по уличните судири со проукраинските демонстранти, загинаа во судири и пожар.
По повод годишнината од трагедијата, Захарова во изјава на веб-страницата на министерството изјави дека украинските власти очигледно не се грижат за завршување на истрагата за околностите на пожарот, и покрај ветувањата дека ќе го сторат тоа, пренесува РИА Новости.
„Ова нема никаков ефект врз финансиската или моралната поддршка за Киев. Јасно е дека во модерна Европа, охрабрувањето на нацизмот и финансирањето на тероризмот станаа традиција“, нагласи Захарова.