Украинската армија вчера соопшти дека работи на евакуација на преостанатите војници од нивното последно упориште во Мариупол, препуштајќи ја контролата над градот на Русија.
Евакуацијата го означи крајот на веројатно најдолгата и најкрвавата битка во конфликтот и значителен пораз за Украина. Мариупол е во урнатини по руската опсада во која, според Украина, загинаа десетици илјади луѓе.
Стотици украински војници и цивили со недели се кријат под градската фабрика за челик Азовстал, а во понеделникот 260 војници, од кои некои беа тешко ранети, ја напуштија фабриката.
Incredible image from inside the besieged Azovstal plant in Mariupol. https://t.co/aRVlLKqB1V
— Christopher Miller (@ChristopherJM) May 16, 2022
„Гарнизонот Мариупол ја исполни својата борбена мисија. Врховната воена команда им нареди на командантите на трупите стационирани во Азовстал да спасат човечки животи… Бранителите на Мариупол се хероите на нашето време“, се вели во соопштението на Генералштабот на вооружените сили на Украина.
Украинската заменик – министерка за одбрана Ана Малијар изјави дека 53 тешко повредени борци биле пренесени во болницата во Новоазовск под руска контрола, а уште 211 борци биле евакуирани преку хуманитарен коридор во Оленивка, област под контрола на проруските бунтовници.
Вчера заврши првата фаза од предавањето – „Азовстал“ го напуштија 264 војници. Сега има 53 ранети војници во болницата во Новоазовск, а 211 војници во Јеленовка, во Доњецката Народна Република.
Руски извори проценуваат дека околу 2.200 луѓе биле заробени во подрумите на огромниот комплекс Азовстал. Неговата локација зафаќа 11 квадратни километри, а подземните делови се направени да издржат нуклеарен напад.
‼️ 53 militaires grièvement blessés #Ukrainian 🇺🇦 ont été évacués du territoire #Azovstal. Ils ont été transportés à l’hôpital de Novoazovsk. Cela a été annoncé par le vice-ministre ukrainien de la Défense, Hanna Malyar. #SaveAzov #SaveMariupol https://t.co/JyEKmkvdIj
— CH_ouvertures_2014 (@CH_2014) May 17, 2022
Според заменик-министерот за одбрана на Украина, Ана Маљар и Генералштабот на вооружените сили на Украина, оние што ќе се предадат ќе бидат разменети за руски воени заробеници заробени од Киев.
Сепак, условите за размена сѐ уште не се постигнати. Москва сè уште нема објавено јавни објави за размената.
Во меѓувреме, украинската страна се обиде да избегне користење на терминот „предавање“.
Откако последниот украински војник ќе го напушти „Азовстал“, битката за Мариупол практично ќе заврши и Русија ќе добие целосна контрола над стратешки виталниот град.
https://youtu.be/9VoU8R_5ByQ