Неодамна, во Сибир е забележан неверојатен случај на ектопична бременост, кој завршува со среќен исход еднаш во 625 милиони случаи.
Речиси секогаш овој тип на бременост завршува со индуциран абортус, но овој пат бебето успеало да преживее.
Украинска бегалка од провинцијата Донбас (31) успеала да издржи ваква бременост без ниту едно патување кај лекар за преглед.
Во еден од 625 милиони случаи, бебето е зачнато по природен пат
„Бебето е добро и го доби името Вероника. Името значи „оној што носи победа“, што малото девојче навистина го заслужи, рече таа.
Бебето е зачнато по природен пат, но не се развило во утробата, туку надвор од неа.
Ваквите ектопични бремености редовно завршуваат со индуциран абортус доколку бременоста е во рана фаза.
Често се случува жените да мораат хируршки да отстранат дел од репродуктивниот орган заедно со плодот. Најчесто јајниците или фалопиевите туби.
Досега заедно со малата Вероника во светот се забележани само 12 вакви случаи.
Мајката и таткото на малата Вероника решиле да не се породуваат во болница. Бидејќи целата бременост беше во ред, тие го чекаа породувањето дома.
На почетокот сè одеше добро. Чувствувала посилни и почести контракции, се подготвувала за породување, а потоа наеднаш престанале контракциите.
Во болницата оперираше тим од дури 10 лекари
Потоа решиле итно да одат во болница каде тим од 10 лекари ја оперирале. Операцијата беше сложена и многу ризична. Но овие двајца освоија се.
Сфативме дека операцијата е успешна кога бебето почна да плаче, изјави др. Марат Зазиев, еден од лекарите кои ја породиле.
И мајката и ќерката сега се живи и здрави.
Според руските медиуми, лекарите сега ја истражуваат причината за природно зачнатата бременост која доведе до развој на бебето надвор од матката, а нејзиниот случај ќе продолжи да се дискутира во научните и медицинските кругови.