Украински тим ќе отпатува во САД на почетокот на оваа недела на разговори за договорот за минерали, изјави денеска за Ројтерс украински извор запознаен со ситуацијата.
Администрацијата на претседателот Доналд Трамп предложи нов договор за минерали, кој Украина го разгледуваше последните денови.
Американскиот министер за финансии Скот Бесант претходно најави дека украинска делегација наскоро ќе ги посети САД за да разговара за договорот.
Тој додаде дека договорот „е подготвен од американска страна“.
Според него, по вербалниот конфликт во Белата куќа меѓу американскиот претседател Доналд Трамп и неговиот украински колега Володимир Зеленски, Министерството за финансии на САД подготвило нов договор за минерали.
Министерот за надворешни работи на Украина Андриј Сибиха неодамна потврди дека Украина започнала консултации за текстот на договорот за минерали.