Американскиот претседател Доналд Трамп изјави дека „отсекогаш сакал да живее во Бакингемската палата“.
Притоа, тој одговори на тврдењата дека можеби е во роднинска врска со британскиот крал Чарлс.
Трамп го напиша ова во вторник во објава на неговата социјална мрежа Truth Social, која ја искористи за да реагира на статијата на „Дејли меил“.
„О, тоа е навистина убаво. Отсекогаш сакав да живеам во Бакингемската палата! За момент ќе разговарам со кралот и кралицата за тоа“, напиша Трамп, одговарајќи на статијата насловена како „Како Дејли меил го проследи семејното дрво на Трамп и откри дека е роднина на кралот“.