Холандската министерка за внатрешни работи, Џудит Ујтермарк, го принудила градоначалникот на Гронинген, Коен Шеулдинг да поднесе оставка од таа функција, објавија денеска холандските медиуми.
Како што објави NL Times, Шајлдинг (65) дал отказ откако бил казнет со 250 евра поради недолично однесување.
Имено, тој е казнет поради наводно мастурбирање во јавност, што тој го демантираше.
„Во март 2024 година возев автомобил сам. Поради мојата здравствена ситуација, наеднаш имав силни болки во стомакот. Обидот да се потисне болката друг учесник во сообраќајот го протолкува како навредлив. Се разбира, тоа не беше случај“, рече Шајлдинг за инцидентот.
Весникот Дагблад ван Хет Норден објави, повикувајќи се на документи добиени од Министерството за правда, дека Шајлдинг претходно двапати бил пријавуван за недолично однесување во неговиот автомобил, во октомври 2023 и февруари 2024 година.
Поранешниот градоначалник не е одговорен за тие два претходни случаи, а Шајлдинг изјави дека сите три случаи се засновани на недоразбирање.
Тој изјави дека казната не била причина за неговата оставка, но призна дека тоа го забрзало процесот.