Руската нуклеарна доктрина е чисто одбранбена и не може поинаку да се толкува, изјави Александар Шевченко, член на руската делегација во Генералното собрание на ОН, коментирајќи ги наводите дека Москва се заканува со употреба на нуклеарно оружје.
„Како одговор на денешното апсолутно неосновано обвинување дека Русија наводно се заканува со употреба на нуклеарно оружје за време на специјална воена операција во Украина, сакаме уште еднаш да нагласиме дека руската доктрина во оваа сфера е чисто одбранбена и не подлежи на некое пошироко толкување, рече тој на седницата на Генералното собрание на ОН посветена на извештајот на Меѓународната агенција за атомска енергија (МААЕ) за 2022 година, пренесува ТАС С.
Шевченко посочи дека Русија е цврсто посветена на принципот дека не може да има победници во нуклеарната војна и затоа таа никогаш не треба да биде лансирана.
„Овој принцип беше потврден на 3 јануари 2022 година од страна на претставниците на петте нуклеарни сили во нивната заедничка изјава. Посветеноста на овој принцип беше потврдена повторно на 2 ноември во руската изјава за спречување на нуклеарна војна“, рече Шевченко.