Шест лица загинаа, а едно е повредено откако утрово се урна хеликоптер во Утаркаши, Индија.
Loading...
Според првичните извештаи, хеликоптерот со седум седишта се урнал во близина на Ганготри, пренесува „Индија њуз“.
Спасувачките операции се во тек, а службени лица и екипи за итни интервенции се присутни на местото на несреќата, изјави комесарот на дивизијата Гарвал, Винај Шанкар Пандеј.
Инцидентот се случил околу девет часот наутро по локално време.
Хеликоптерот, кој бил во сопственост на „Аеро Транс“, се урнал во близина на областа Наг Мандир, покрај реката Багирати.
Според првичните информации, хеликоптерот превезувал аџии на патувањето „Чар Дхам Јатра“.
Истрагата за причините за падот на хеликоптерот е во тек, соопштија официјални лица.