Независната австралиска сенаторка Лидија Торп рече дека друг сенатор демнел, напаѓал и допирал несоодветно во парламентот и таа побарала од владата да ја направи зградата на парламентот побезбедна за жените.
Набргу потоа, главната опозициска Либерална партија го избрка сенаторот, а водачот Питер Датон рече дека го избркал сенаторот Дејвид Ван по обвинувањата за Торп.
Ван ќе остане сенатор, но нема да ја претставува Либералната партија.
Тој ги негираше обвинувањата, кои беа објавени како дел од парламентарната привилегија, според која никој не може да биде тужен за клевета за што било кажано во Сенатот, пренесе АП.
Торп претходно низ солзи изјави дека одлучила да не презема правни мерки или да се жали во полиција за тоа прашање и нема да го објави името на лицето кое ѝ го направило тоа.
„Искусив сексуални коментари од моќен маж“, рече Торп пред Сенатот, каде што нејзините коментари се заштитени со парламентарна привилегија, пренесе Ројтерс.
Таа рече дека „еден човек ја следел до скалите, каде што немало сведоци или надзорни камери“.
Сепак, еден ден претходно, таа рече дека Ван ја вознемирувал и сексуално ја нападнал, но потоа го повлече името на лицето, велејќи дека „мора да ги почитува правилата на Сенатот кои забрануваат коментари за нечија личност“.