Се проценува дека во 2018 година, 2,1 процент од луѓето во ЕУ живееле во домови без тоалет.
Повеќето вакви домаќинства се евидентирани во Романија, а најмалку во Германија, Луксембург, Холандија и Шведска, пренесува Евростат.
Ова претставува намалување од 1,2% во однос на 2010 година кога имало 3,3% од таквите домаќинства.
Во Романија, 27,7 проценти, т.е. приближно еден од четири жители изјавиле дека немаат тоалет во нивното домаќинство.
Ова е најголем процент во однос на сите други земји-членки на ЕУ.
По Романија следат Бугарија (15,3 проценти), Литванија (10,6 проценти), Латвија (9,9 проценти) и Естонија (5,3 проценти), покажуваат податоците на Евростат.
Во деветнаесет земји-членки на ЕУ, бројот на домаќинства без сопствен тоалет е под еден процент, додека најмал процент е забележан во Германија, Луксембург, Холандија и Шведска, каде скоро и да нема домови без тоалети.