Митинзи за поддршка на Палестинците беа организирани на повеќе од 20 универзитетски кампуси во САД и покрај заканите од универзитетските власти да ги суспендираат од наставата.
Полицијата употреби солзавец и шок-бомби за да ги разбие протестите на Универзитетот во Тексас, а најмалку 40 студенти беа уапсени.
Некои студенти дале отпор при апсењето и морале да бидат влечени од полицијата, а други извикувале „срамота“ и го полиле со вода полицискиот автобус.
Судири меѓу полицијата и активистите се случуваат на колеџи низ САД каде студентите бараат Израел да ја прекине војната против Хамас во Појасот Газа.
Студентите вклучени во демонстрациите ги повикуваат универзитетите и американската влада да ги прекинат врските со израелските власти и војската.
Повеќе од 800 демонстранти се уапсени во американските кампуси од 18 април, вклучително и повеќе од 200 на четири универзитети во саботата, според Њујорк тајмс.
Универзитетот Колумбија почна да ги суспендира студентите кои учествуваа во протестите по истекот на рокот во понеделникот да го напуштат кампусот во Њујорк.
Студентите одбиваат да го напуштат импровизираниот камп во кој има десетици шатори.
Белата куќа осуди дел од реториката слушната за време на протестите, обвинувајќи ги активистите дека извикувале антисемитски слогани и ги заплашувале еврејските студенти.
„Овие опасни, ужасни изјави го вртат стомакот и треба да послужат како повик за будење. Страшно е да се залага за убивање Евреи“, изјави заменик-секретарот за печат на Белата куќа, Ендрју Бејтс, пренесува RT Balkan.
🚨BREAKING: Texas State troopers are now making arrests at the University of Texas at Austin (UT Austin)
At least six pro-Hamas protesters have been arrested in the past 5 minutes.pic.twitter.com/7Nw38rYNSs
— AJ Huber (@Huberton) April 29, 2024