Руската Државна Дума денеска усвои предлог-закон за укинување на горната старосна граница за склучување на првиот договор за воена служба.
Loading...
Во образложението се наведува дека законот сега предвидува првиот договор за воена служба да можат да го склучат државјани на возраст од 18 до 40 години и странски државјани на возраст од 18 до 30 години, пренесува РИА Новости.
Се наведува и дека за употреба на оружје со висока прецизност, ракување со оружје и воена опрема се потребни високопрофесионални специјалисти, а искуството покажува дека тие стануваат такви до 40-45 години.
Предлог-законот беше поднесен на 20 мај од пратениците на Единствена Русија Андреј Картаполов и Андреј Крашков.