Русија ќе ги повлече своите претставници од Специјалната мониторинг мисија во Украина, изјави постојаниот претставник на Русија во ОБСЕ, Александар Лукашевич.
– Русија ќе ја извести кадровската служба на Секретаријатот на ОБСЕ за повлекувањето на сите нејзини службеници од Специјалната мониторинг мисија поради истекување на мандатот на мисијата и престанок на нејзините задачи. Не гледаме потреба од дополнителни консултации за промена на мандатот или префрлање на мисијата на „административен режим“ – изјави Лукашевич, пренесе Спутник.
Експлозија во рудник во Србија; Затрупани рудари, има и повредени
Како што рече, руските експерти едноставно биле истиснати од Специјалната мониторинг мисија на ОБСЕ, иако Русија плаќала многу пари, над два милиони евра годишно.
– Како што се ширеше Специјалната мониторинг мисија на ОБСЕ, така се зголемуваше и бројот на руските претставници. Ги имаше околу 40… До крајот на 2021 година добивме само 28 места. Така, нашите стручњаци едноставно беа истуркани – истакна Лукашевич.
Затоа Русија го повика ОБСЕ да поднесе нацрт-закон за распределба на ресурсите неопходни за затворање на Специјалната мониторинг мисија во Украина и целосен прекин на нејзините административни активности во разумен рок.
Експлозија во рудник во Србија; Затрупани рудари, има и повредени
Лукашевич рече и дека мисијата на ОБСЕ во Украина не забележала русофобија во Украина и агресивната украинска националистичка идеја.
Според него, до денес нема одговор на прашањето зошто мисијата на ОБСЕ во Украина не објавила дека нејзините оклопни возила ѝ биле предадени на неонацистичката вооружена формација „Азов“ во Мариупол на крајот на февруари.