Германскиот производител на луксузни автомобили БМВ објави стабилизација во продажбата во третиот квартал во понеделникот по падот на испораките на автомобили во првата половина од годината поради заклучувањето во Кина и недостигот на чипови.
Групацијата продаде 587.795 возила во третиот квартал, 0,9 отсто помалку отколку во истиот квартал од 2021 година.
Падот е помал отколку во претходните квартали, кога работењето на германската компанија беше попречено од строгите мерки за сузбивање на ковид-19 во Кина и недостигот на чипови.
Во периодот од јули до септември, компанијата забележа особено добар резултат во Кина, со 5,7 отсто повеќе продадени автомобили отколку во истиот квартал минатата година. Порасна и продажбата во САД, за 3,8 отсто.
На европскиот пазар BMW продаде 11,1 отсто помалку автомобили од минатото лето.
Групацијата во периодот од јануари до септември продала 1,75 милиони автомобили, за 9,5 отсто помалку од истиот период лани.
Тие потврдија дека очекуваат нешто послаба продажба оваа година отколку во 2021 година.