Бројот на пушачи во САД е помал од бројот на луѓе кои редовно користат канабис, за прв пат откако се води евиденција.
Имено, новото истражување на „Галуп“ покажало дека околу 16 отсто од испитаниците во САД моментално редовно пушат марихуана, додека половина од испитаниците посочиле дека ја пробале.
Кога прашањето за прв пат беше поставено во 1969 година, само четири проценти од испитаниците пробале канабис.
Истовремено, 40 отсто од испитаниците изјавиле дека пушат цигари.
Меѓутоа, во следните децении бројот на пушачи постојано се намалува.
Во последното истражување, само 11 отсто од граѓаните на САД изјавиле дека пушат – најнизок процент откако Галуп почнал да собира податоци во 1944 година. Во 1950-тите, 45 проценти биле пушачи.
Во последните години, населението на САД има многу негативно мислење за цигарите.
Дури 83 отсто од испитаниците сметаат дека се „многу штетни“, а 14 отсто дека се „умерено штетни“.
Младите Американци, пишува Форбс, пушат најмногу канабис, а речиси една третина од возрасните помлади од 35 години велат дека пушат марихуана.
Помеѓу возрасните од 35 до 54 години, 16 отсто рекле дека користеле канабис, додека само 10 отсто од оние на 55 и постари рекле дека пушат марихуана.
Само 8 отсто од младите возрасни изјавиле дека пушеле цигара во претходната недела, додека 10 отсто од оние на возраст од 35 до 54 години и 14 отсто од постарите Американци изјавиле дека пушеле цигара во претходните седум дена.
Американците се поделени околу влијанието на канабисот врз општеството.
Последната анкета на Галуп за марихуаната, исто така, покажа дека половина од Американците мислат дека марихуаната има севкупен негативен ефект, додека 48 отсто рекле дека ефектот на марихуаната врз општеството е позитивен.
Ова се резултатите од годишното истражување за потрошувачката на Галуп во јули, кое беше спроведено од 5 до 26 јули.
1.013 возрасни Американци биле анкетирани за употребата на марихуана и тутун, со пријавена маргина на грешка при земање примероци од плус или минус четири процентни поени.