Цените на нафтата Брент паднаа под 84 долари за барел по интрадневните добивки во среда, додека американската сурова нафта (WTI) се тргуваше под 79 долари за барел.
Цените на нафтата останаа на покачено ниво поради ескалацијата на конфликтите на Блискиот Исток и загриженоста за глобалното снабдување, објави Trading Economics.
Пазарот реагираше по новиот бран американски воени напади врз Иран и повторното воведување на поморска блокада на иранските пристаништа во близина на Ормускиот теснец, еден од најважните светски патишта за транспорт на нафта.
Американските сили спроведоа повеќечасовна операција насочена кон десетици воени цели по должината на брегот на Иран и во близина на стратешки важниот Ормуски теснец, со цел ослабување на способноста на Техеран да го наруши меѓународниот поморски сообраќај.
Претседателот на Соединетите Американски Држави, Доналд Трамп, изјави дека воените операции ќе продолжат сè додека Иран не ги запре нападите врз бродовите во Ормускиот теснец и не дозволи непречен премин на бродовите низ тој стратешки премин.
Во исто време, во вторник, Трамп се откажа од претходно најавеното воведување на такса од 20 проценти за товар што минува низ Ормутскиот теснец, велејќи дека евентуалната загуба на приходи ќе биде компензирана со идните инвестиции на земјите од Заливот во американската економија.
Дополнителна поддршка за цените дадоа податоците од американската Администрација за енергетски информации (EIA), според кои залихите на сурова нафта во САД се намалија за 1,7 милиони барели минатата недела, што укажува на континуирана силна побарувачка на најголемиот светски пазар на нафта.