Полската агенција за внатрешна безбедност (ABW) приведе шест лица осомничени дека дејствувале како дел од организирана криминална група против интересите на Полска, и кои се осомничени дека соработуваат со руските разузнавачки служби, објави денес министерот задолжен за координација на специјалните служби Томаш Шемоњак.
Меѓу приведените се пет полски државјани, на возраст меѓу 25 и 52 години, и еден 37-годишен руски државјанин, објавува полската ТВП.
Семоњак изјави дека судот наредил притвор на четворица осомничени под сомнение за шпионажа, додека на преостанатите две лица им се изречени поблаги мерки.
„Собраните докази укажуваат дека приведените дејствувале во корист на руските специјални служби и учествувале во активности што го поддржувале воениот потенцијал на Руската Федерација“, напиша Семењак на социјалната мрежа X.
Според досегашните резултати од истрагата, групата наводно нелегално испорачала во Русија големи количини материјали за воени цели, кои се користат во производството на муниција и системи за оружје.
Тензии меѓу Варшава и Полска
Полскиот премиер Доналд Туск во вторникот ја обвини Русија дека се обидува да поттикне нестабилност во Полска со мешање во спорот меѓу неговата влада и претседателот околу Уставниот суд.
Кризата околу назначувањето судии во Уставниот суд на Полска за време на викендот го турна тлеечкиот конфликт меѓу претседателот Карол Навроцки, националист, и проевропската влада на Туск во отворен конфликт, објави Ројтерс.
Тензиите кулминираа минатата недела кога претседателот на Уставниот суд, сојузник на Навроцки, беше суспендиран, а толпа се собра пред судот во поддршка.
Руските политичари, вклучувајќи го и Дмитриј Медведев, заменик-претседателот на Советот за безбедност на Русија, ги опишаа потезите на владата на Туск во спорот околу трибуналот како „државен удар“.
„Ги набљудуваме активностите на Русија и проруските политичари, како на меѓународно ниво, така и во земјата, кои се насочени кон нашата цел, а тоа е одбрана на Уставниот суд од агресивното однесување на политичарите и демонстрантите што тие ги провоцираат“, рече Туск на состанокот на кабинетот и додаде:
„Сите сме запознаени со рускиот метод на вклучување во внатрешни конфликти. Денес сме сведоци на тензиите предизвикани од Русите, или во врска со среднорочните избори во САД или со поттикнување чувство на нестабилност во Полска, врз основа на агресивното однесување на опозициските политичари и претседателот.“
Руската амбасада во Варшава не одговори веднаш на барањето на Ројтерс за коментар.
И покрај нивното горчливо лично и политичко соперништво, и Туск и Навроцки се долгогодишни критичари на Русија, особено поради нејзината инвазија на Украина во 2022 година, и поддржуваат зголемени воени трошоци поради она што го сметаат за закана од Москва за европската безбедност.