Украина нема програми за биолошко, нуклеарно или хемиско оружје, соопшти Пентагон.
Во соопштението се наведува и дека во последните 20 години, САД поддржале 46 различни цивилни лаборатории и здравствени центри во Украина во рамките на мировните програми.
САД, исто така, работеле заедно на подобрување на биосигурноста на Украина и контрола на болести поврзани со здравјето на луѓето и животните.
Работата, која често се спроведува во партнерство со надворешни организации како што се Светската здравствена организација (СЗО) и Светската организација за здравје на животните (ОИЕ), резултираше со побезбеден и поефикасен надзор и откривање на болестите, се вели во документот.
Забележано е дека украинските научници постапувале во согласност со најдобрите меѓународни практики и норми при објавувањето на резултатите од истражувањето, во партнерство со колеги од целиот свет и организации и дека своето истражување го направиле достапно за другите.